مہر نیوز کے مطابق، ایران کے عبوری وزیر خارجہ علی باقری کنی ترکی کے شہر استنبول میں ہونے والے D-8 گروپ کے اجلاس میں شرکت کے لیے تہران سے استنبول روانہ ہو گئے جس میں غزہ جنگ پر تبادلہ خیال کیا جائے گا۔
اعلی ایرانی سفارت کار فلسطین پر D-8 سیشن میں شرکت اور اپنے ہم منصبوں سے ملاقاتیں کریں گے۔
ڈیولپنگ ایٹ (D-8) تنظیم برائے اقتصادی تعاون کے وزرائے خارجہ کا ایک غیر معمولی اجلاس جو ہفتے کو استنبول میں منعقد ہو گا، D-8 ممالک کے لیے غزہ میں اسرائیل کی جنگ کے خلاف متحدہ محاذ پیش کرنے کے لئے انتہائی اہمیت کا حامل پلیٹ فارم ہے۔
یہ اجلاس، D-8 ممالک کے لیے غزہ کے پچھلے اکتوبر سے جاری محاصرے اور اسرائیل کے حملوں کے خلاف اجتماعی موقف اپنانے کے لیے نہایت اہم ہے۔ گزشتہ سال 7 نے اس بات کا ثبوت دیا کہ وہ اسرائیلی جبر کے خلاف خاموش نہیں رہیں گے۔
واضح رہے کہ اسرائیل نے غزہ کے گنجان آباد علاقے کا مکمل محاصرہ کر کے وہاں کے بیس لاکھ سے زائد فلسطینیوں پر وحشیانہ بمباری کی اور فوج کشی کی جس کے نتیجے میں 36 ہزار سے زائد فلسطینی شہید ہوچکے ہیں اور غاصب رجیم نے پناہ گزینوں پر ایندھن، بجلی، خوراک اور پانی تک بند کر دیا ہے۔
آپ کا تبصرہ