مہر خبررساں ایجنسی نے بھارتی میڈیا سے نقل کیاہے کہ سماجی رابطے کی سائٹ ٹویٹر پر ہربھجن سنگھ نے ولادت النبی (ص)کے حوالے سے ایک ٹویٹ کیا جس میں انہوں نے لکھا کہ ’میں پیغمبر محمد (ص)کی پیدائش پر سب کو دل کی گہرائیوں سے عید میلاد النبی کی مبارک باد پیش کرتا ہوں‘۔
انہوں نے دعا کی کہ اللہ اس مبارک دن کے وسیلے سے ہماری زندگی میں روشنی، امید، امن اور خوشحالی لائے اور ہمیں نبی (ص)کی تعلیمات پر چلنے کے ساتھ ہم آہنگی اور اجتماعی فلاح کی راہ پر گامزن کرے۔
واضح رہے کہ دنیا بھر میں نبی صلی اللہ علیہ والہ وسلم کی ولادتِ باسعادت کے دن کی مناسبت سے عید میلاد النبی کا جشن بھرپور مذہبی جوش اور جذبے کے ساتھ منایا گیا۔
عاشقان مصطفیٰ نے اس دن کی مناسبت سے رسول اللہ کی بارگاہ میں درود اور نعت کی صورت میں گلہائے عقیدت پیش کیا۔
آپ کا تبصرہ