مہر خبررساں ایجنسی ڈیلی پاکستان کے حوالے سے نقل کیا ہے کہ پاکستان کے صدر ڈاکٹر عارف علوی نے نو منتخب ایرانی صدر آیت اللہ سید ابراہیم رئیسی کو مبارکباد دیتے ہوئے اس امید کا اظہار کیا ہے کہ آپ کی مدبرانہ قیادت میں پاکستان اور ایران کے مابین برادرانہ تعلقات مزید مضبوط ہوں گے۔
ایوان صدر کے میڈیا ونگ کے مطابق صدر عارف علوی نے نو منتخب ایرانی صدر کے نام مبارکباد کا خط ارسال کیا ہے۔ پاکستانی صدر نے ایران کے نو منتخب صدر اور ایرانی عوام کو صدارتی انتخابات میں کامیابی پر مبارکباد دی اور کہا کہ ایرانی عوام نے امن، استحکام اور خوشحالی کیلئے آپکی قیادت پر اعتماد کا اظہار کیا، اُمید ہے کہ آپکی قیادت میں پاکستان اور ایران کے درمیان برادرانہ تعلقات مزید مضبوط اور مستحکم ہوں گے۔صدر عارف علوی نے اپنے خط میں سید ابراہیم رئیسی اور ایرانی عوام کیلئے نیک خواہشات کا اظہار کیا۔
آپ کا تبصرہ