ایرانی عوام کا ہر ووٹ دشمن کے منہ پر زور دارطمانچہ ہوگا

مہر خبررساں ایجنسی کے نامہ نگار کی رپورٹ کے مطابق اسلامی جمہوریہ ایران کی سپاہ پاداران انقلاب اسلامی کے سربراہ میجر جنرل سلامی نے ایرانی پارلیمنٹ کی اہمیت کی طرف اشارہ کرتے ہوئے کہا ہے کہ ایرانی عوام کا ہر ووٹ دشمن کے منہ پر ایک زوردار اور مضبوط طمانچہ ہوگا۔ مہر کے مطابق جنرل سلامی نے کہا کہ ایرانی عوام نے ہمیشہ میدان میں موجود رہ کر دشمن کو مایوس کیا ہے اور ایرانی عوام کل جمعہ کو بھی  انتخابات میں بھر پور شرکت کرکے دشمن کے منہ پر زوردار طمانچہ رسید کریں گے۔ انھوں نے کہا کہ ایرانی قوم شہیدوں کے پرچم کو ہمیشہ بلند اور سرافراز رکھے گی۔ مہر کے مطابق میجر جنرل سلامی نے کہا کہ شہیدوں نے اپنا خور دیکر اسلامی نظام کو تحفظ عطا کیا اور ہم ان کے خون کی حفاظت اور ان کی راہ پر گامزن رہیں گے۔