تامل ناڈو میں شدید بارشوں کے باعث 5 افراد ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی ریاست تامل ناڈو میں شدید بارشوں کے باعث مختلف حادثات میں 5 افراد ہلاک ہوگئے ہیں۔ تامل ناڈو کے ساحلی علاقوں میں دو روز سے بارشوں کا سلسلہ جاری ہے اور کئی علاقوں میں پانی جمع ہونے سے شہریوں کو مشکلات کاسامنا ہے ۔چنئی سمیت دیگر شہروں میں آج دوسرے روز بھی اسکول، کالج بند ہیں۔