یمن پر سعودی عرب کی بمباری میں 8 افراد شہید

مہر خبررساں ایجنسی نے اسپوٹنک کے حوالے سے نقل کیا ہے کہ یمن پر رمضان المبارک میں بھی سعودی عرب کی بربریت اور جارحیت کا سلسلہ جاری ہے سعودی عرب کی صوبہ تعز پر تازہ بمباری میں 8 یمنی شہری شہید ہوگئے ہیں۔ سعودی عرب کے تازہ فضائی حملوں میں 8 یمنی شہری شہید ہوگئے ہیں۔ ذرائع کے مطابق یمن کے نہتے عوام پر گذشتہ دو سال سے سعودی عرب کی جارحیت اور بربریت کا سلسلہ جاری ہے جس میں اب تک 30 ہزار سے زائد افراد شہید اور زخمی ہوگئے ہیں جبکہ کئی ملین یمنی شہریوں کو غذائی قلت اور طبی سہولیات کی کمی کا سامنا ہے۔