کوئٹہ میں بم دھماکے میں 3 بچوں سمیت 8 افراد زخمی

مہر خبررساں ایجنسی نے جنگ کے حوالے سے نقل کیا ہے کہ پاکستان کے صوبہ بلوچستان کے شہر کوئٹہ کی سریاب روڈ پر بم دھماکے میں تین بچوں سمیت آٹھ  افراد زخمی ہوگئے ہیں۔دھماکہ سریاب مل میں سڑک کنارے ہوا۔دھماکےکےنتیجے میں رکشے میں سوار دومسافراور دو بچوں سمیت چھ افراد زخمی ہوگئےجنہیں سول اسپتال منتقل کردیاگیا۔ اطلاعات کے مطابق کوئٹہ کے علاقے سریاب روڈ پر دھماکے میں 8 افراد شدید زخمی ہوگئے جن میں تین بچے بھی شامل ہیں۔ پولیس حکام کا کہنا ہے کہ سڑک کنارے نصب بارودی مواد کے دھماکے میں قبائلی رہنما کے قافلے کو نشانہ بنایا گیا تاہم وہ اس میں محفوظ رہے جب کہ  دھماکے کے نتیجے میں تین بچوں سمیت 8 افراد زخمی ہوئے۔ابتدائی تحقیقات کےمطابق دھماکہ خیز مواد سڑک کنارے سیمنٹ کے چھوٹے پائپ میں نصب کیا گیاتھاجو زور دار دھماکے سے پھٹ گیا۔