چین میں ٹریفک حادثے میں 22 افراد ہلاک

مہر خبررساں ایجنسی نے شینوہا کے حوالے سے نقل کیا ہے کہ چین میں  خوفناک  ٹریفک حادثے میں 22 افراد ہلاک اور 13 زخمی ہوگئے ہیں۔ اطلاعات کے مطابق  حادثہ چین کے جنوبی صوبے ہنان میں پیش آیا جہاں ہائی وے پر ایک تیز رفتار ٹرک بے قابو ہو کر مخالف سمت سے آنے والے ٹرک سے ٹکرا گیا جس کی وجہ سے  مسافر بس اور وین بھی حادثے کا شکار ٹرکوں سے ٹکراگئیں اور اس خوفناک تصادم کے نتیجے میں 22 افراد ہلاک اور 13 زخمی ہوگئے۔  حادثے کے بعد مسافر بس میں آگ لگ گئی  جس کی وجہ سے ہر طرف دھواں پھیل گیا،امدای اہلکاروں نے فوری طور پر جائے وقوعہ پہنچ کر آگ بجھائی اور زخمی مسافروں کو باہر نکالا۔ زخمیوں اور لاشوں کو قریبی اسپتال منتقل کردیا گیا جہاں بعض زخمیوں کی حالت تشویش ناک بتائی جاتی ہے ۔