پاکستانی صدر کی کویت کے امیر سے ملاقات

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کےصدر آصف علی زرداری نے کویت کے امیر شیخ صباح الاحمد الجابر سے ملاقات کی جس میں دونوں ممالک کے درمیان تعاون بڑھانے کے امکانات پر تبادلہ خیال کیا گیا ۔ دونوں رہنماؤں کی ملاقات کویت سٹی میں ہوئی ۔ پاکستان کےصدرآصف علی زرداری اور امیر کویت نے وسیع تجارتی تعاون اور مشترکہ منصوبوں کے ذریعے دونوں ممالک کے درمیان تعلقات کو مزید مضبوط بنانے کے عزم کا اظہار کیا ۔ صدر زرداری کویت کے یوم آزادی کی گولڈن جوبلی تقریبات میں شرکت کیلئے جمعہ کو دو روزہ سرکاری دورے پر کویت سٹی پہنچے ۔ ایئرپورٹ پر امیر کویت نے ان کا استقبال کیا ۔