غزہ میں اسرائیلی فوج کی حالت ابتر، ٹینکوں کی مرمت اور زخمیوں کے انخلا میں الجھ گئی

مہر خبررساں ایجنسی کی رپورٹ کے مطابق، اسرائیل کے عبرانی زبان کے معروف چینل کان نے اپنی تازہ رپورٹ میں غزہ میں موجود اسرائیلی فوج کی کمزور حالت کو بے نقاب کر دیا ہے۔

رپورٹ کے مطابق، صہیونی فوج اس وقت جنگی محاذ پر ٹینکوں کی مرمت، ناکارہ سازوسامان کی بحالی اور زخمی فوجیوں کو مقبوضہ علاقوں میں منتقل کرنے میں بری طرح مصروف ہے۔

رپورٹ میں بتایا گیا ہے کہ ان سنگین زمینی مشکلات کے باوجود اسرائیلی سیاسی قیادت زمینی حقائق سے آنکھیں بند کیے ہوئے ہے اور غزہ میں جاری طاقت فرسا جنگ کو سنجیدگی سے لینے کے لیے تیار نہیں۔

چینل نے انکشاف کیا کہ وزیر اعظم نتن یاہو غزہ پر حملوں کے دائرے کو بڑھا کر اس علاقے پر مکمل قبضے کی منصوبہ بندی کر رہے ہیں، تاہم فوجی قیادت پہلے ہی ان اقدامات سے ناراض اور ایسے کسی اقدام کے نتائج سے خبردار کرچکی ہے۔