مہر خبررساں ایجنسی کے مطابق حماس اور صہیونی حکومت کے درمیان جنگ بندی کے بعد شمالی غزہ سے کوچ کرنے والے فلسطینی دوبارہ اپنے گھروں کی طرف لوٹ رہے ہیں۔ شمالی غزہ کی گلیوں اور سڑکوں پر پناہ گزینوں کے استقبال اور جشن کی تیاریاں عروج پر ہیں۔
اسرائیلی فورسز کے نتساریم محور سے پیچھے ہٹنے کے بعد شمالی غزہ میں فلسطینی پناہ گزینوں کی اپنے گھروں کی طرف واپسی کا عمل شروع ہوچکا ہے۔ اگرچہ غزہ کی گلیاں اسرائیلی افواج کے وحشیانہ حملوں کی وجہ سے تباہ ہو کر ملبے کا ڈھیر بن چکی ہیں، پھر بھی ان گلیوں کو ہزاروں فلسطینی پناہ گزینوں کے استقبال کے لیے پوری طرح سجایا جارہا ہے۔
شمالی غزہ میں گلیوں کو پناہ گزینوں کو خیرمقدم کہتے ہوئے بینرز اور تحریروں سے آراستہ کیا گیا ہے۔
دو فلسطینی جوانوں کا جرائت مندانہ اقدام
دراین اثناء فلسطینی خبررساں ادارے شہاب نے کہا ہے کہ دو فلسطینی نوجوانوں نے شمالی غزہ کے علاقے میں ہزاروں پناہ گزینوں کی واپسی کے دوران شارع الرشید کی ایک عمارت پر فلسطینی پرچم لہرایا۔
فلسطینی نوجوانوں کا جرائت مندانہ اقدام فلسطینی قوم کے ناقابل شکست عزم کو ظاہر کرتا ہے۔
فلسطینی پناہ گزینوں کی شمال غزہ کی طرف واپسی کا فضائی منظر
فلسطینی میڈیا نے شمالی غزہ کی طرف فلسطینی پناہ گزینوں کی واپسی کی فضائی تصاویر اور ویڈیوز جاری کی ہیں۔
ہزاروں فلسطینی پناہ گزین چند گھنٹوں قبل اسرائیلی افواج کے نتساریم محور سے پیچھے ہٹنے کے بعد شمال غزہ کی طرف واپس جا رہے ہیں۔
آپ کا تبصرہ