مہر خبررساں ایجنسی نے المنار نیوز چینل کے حوالے سے بتایا ہے کہ لبنان کی حزب اللہ نے آج صبح مقبوضہ فلسطین کے شمال میں صیہونی فوج کے چار ٹھکانوں کو نشانہ بنایا۔
ان حملوں کے حوالے سے حزب اللہ کے بیانات میں کہا گیا ہے کہ ثابت قدم فلسطینی قوم اور غزہ کی پٹی میں دلیری سے لڑنے والی مزاحمت کی حمایت میں مجاہدین نے آج صبح ساڑھے نو بجے قابض فوج کے ٹھکانوں کو نشانہ بنایا۔
حزب اللہ نے میان باروچ" کے اڈے پر ڈرون حملہ کیا جب کہ لبنان کے جنوبی علاقوں پر صیہونی حکومت کے حملوں کے جواب میں صہیونی قصبے "المطلہ" میں قابض فوج کے زیر استعمال ہیڈ کوارٹر اور ان کے جاسوسی کے آلات کو بھاری ہتھیاروں سے براہ راست نشانہ بنایا۔
صیہونی حکومت کے فائر ڈپارٹمنٹ نے اعتراف کیا ہے کہ جنوبی لبنان سے داغے گئے اینٹی آرمر میزائلوں کے حملے کے نتیجے میں کم از کم ایک عمارت میں آگ لگ گئی۔
حزب اللہ نے قابض فوج کے رویسہ القرن اڈے اور "زبدین" بیرکوں کو بھی براہ راست حملے کا نشانہ بنایا۔
آپ کا تبصرہ