مہر خبررساں ایجنسی کے مطابق، ایشیا کے اکثر ممالک میں بدھ کے روز عیدالفطر ہوگی۔ایران اور پاکستان میں منگل کو 29 واں روزہ ہے۔ محکمہ موسمیات کے مطابق منگل کی شام کو چاند نظر آنے کا قوی امکان ہے اسی لئے بدھ کے دن یکم شوال اور عیدالفطر ہوگی۔
مشرق وسطی کے بعض ممالک میں پیر کو شوال کا چاند نظر نہیں آیا اس لئے منگل کے بجائے بدھ کو عید ہوگی۔
سعودی عرب نے کہا ہے کہ ملک میں پیر کو چاند نظر نہیں آیا اسی لئے منگل کو رمضان المبارک کا تیسواں روزہ ہوگا اور بدھ کو یکم شوال اور عید الفطر ہوگی۔
قطر، عرب امارات، فلسطین، لبنان اور یمن میں بدھ کے روز عیدالفطر ہوگی۔
مصر، عراق اور ترکی سے بھی موصولہ اطلاعات کے مطابق بدھ کے روز عید الفطر ہوگی۔
آسٹریلیا میں رہنے والے مسلمان بھی بدھ کے دن عیدالفطر منائیں گے۔
آپ کا تبصرہ