پاکستانی وزیر اعظم کا اپوزیشن کی تحریک عدم اعتماد کو ناکام بنانے کا عزم

پاکستان کے وزیراعظم عمران خان نے کہا ہے کہ وہ اپوزیشن کی تحریک عدم اعتماد کو ناکام بنانے کا پختہ عزم رکھتے ہیں۔

مہر خبررساں ایجنسی نے ایکس پریس کے حوالے سے نقل کیا ہے کہ پاکستان کے وزیراعظم عمران خان نے کہا ہے کہ وہ  اپوزیشن کی تحریک عدم اعتماد کو ناکام بنانے کا پختہ عزم رکھتے ہیں۔ عمران خان  ںے اپوزیشن کو چوروں کا ٹولہ قراردیتے ہوئے کہا کہ قانون کی بالادستی سے معاشرہ کامیاب ہوتا ہے، طاقت ور لوگ قوم کا پیسہ چرا رہے ہیں اور این آر او چاہتے ہیں لیکن میں جب تک زندہ ہوں این آر او نہیں دوں گا، پرویز مشرف نے گھٹنے ٹیک دیے اور طاقت وروں کو این آر او دے دیا، یہاں طاقت ور شخص قانون کے نیچے نہیں آنا چاہتا، جہاں چوری سے پیسہ بنے وہاں لوگ پڑھائی اور محنت کیوں کریں گے؟ پھر معاشرہ تباہ ہوجاتا ہے، ہم قانون کی حکمرانی کے لیے سب سے بڑا جہاد لڑ رہے ہیں۔

انہوں نے کہا کہ طاقت ور کہتے ہیں کہ میری بلیک میلنگ میں نہ آئے تو حکومت گرادوں گا، اپوزیشن جو بھی چال چلے گی اس کے لیے تیار ہوں، مخالف کی ہر سازش کا مقابلہ کرنے کے لیے تیار ہوں کیوں کہ کپتان جب میدان میں ہوتا ہے تو ہر چیز کے لیے خود کو تیار رکھتا ہے۔

News Code 1910091

لیبلز

آپ کا تبصرہ

You are replying to: .
  • captcha