مہر خبررساں ایجنسی نے ایکسپریس کے حوالے سے نقل کیا ہے کہ آزاد کشمیر میں کورونا کی دوسری لہر کے پیش نظر 15 دن کے لئے مکمل لاک ڈاؤن کا اعلان کردیا گیا ہے۔
اطلاعات کے مطابق آزاد کشمیر کے تمام اضلاع میں 15 دن کے لئے مکمل لاک ڈاؤن کا اعلان کردیا گیا ہے، اس حوالے سے نوٹی فکیشن بھی جاری کردیا گیا ہے۔
جاری کئے گئے نوٹی فکیشن کے مطابق آزاد کشمیر کے تمام اضلاع میں بیک وقت لاک ڈاؤن ہوگا، صرف لازمی خدمات کے شعبے ایس او پیز کے تحت اپنی سرگرمیاں جاری رکھیں گے، سرکاری دفاترمیں 50 فیصد حاضری رکھی جائے گی، تمام کاروباری مراکز مارکیٹیں اور بازار ، سرکاری، نیم سرکاری اور نجی دفاتر اور تعلیمی ادارے بھی بند رہیں گے۔ انٹری پوائنٹس پرسخت اسکریننگ کا عمل ہوگا، مذہبی اجتماعات اور نماز جنازہ مکمل ایس او پی کے تحت ہوں گے، شادی بیاہ و دیگر تقریبات پر مکمل پابندی ہوگی۔
آپ کا تبصرہ