لبنانی فوج نے عرسال علاقہ سے 350 وہابی دہشت گردوں کو گرفتارکرلیا

مہر خبررساں ایجنسی نے العالم کے حوالے سے نقل کیا ہے کہ لبنانی فوج نے عرسال کے علاقہ میں 350 وہابی دہشت گردوں کو گرفتار کرلیا ہے جس پر لبنانی صدر نے فوج کا شکریہ ادا کیا ہے۔ اطلاعات کے مطابق لبنانی فوج نے خفیہ اطلاعات پر شامی مہاجرین کے کیمپ کا آپریشن کیا جس کے دوران دہشت گردوں نے لبنانی فوج پر 5 بم دھماکوں سے حملہ کردیا لبنانی فوج نے کیمپ میں آپریشن کے دوران 350 وہابی دہشت گردوں کو گرفتار کرلیا ہے جن میں بعض انتہائی خطرناک دہشت گرد بھی شامل ہیں۔ لبنانی فوج کے اس آپریشن پر لبنان کے صدر میشل عون نے شکریہ ادا کرتے ہوئے کہا ہے کہ یہ آپریشن انتہائی سخت اور پرخطر تھا جسے لبنانی فوج نے کامیابی کے ساتھ پایہ تکمیل تک پہنچا دیا ہے۔