پاکستان کے ایک کیڈٹ کالج میں مضر صحت کھانا کھانے سے 500 طلبا کی طبیعت خراب

مہر خبررساں ایجنسی نے ایکسپریس نیوز کے حوالے سے نقل کیا ہے کہ پاکستان میں صوابی کے کرنل شیر خان کیڈٹ کالج میں مضر صحت کھانا کھانے سے اچانک 500 طلبا کی طبیعت خراب ہوگئی جس کے بعد انہیں مختلف اسپتالوں میں منتقل کردیا گیا ہے۔ ریسکیو 1122 کے مطابق طلبا کو مردان میڈیکل کمپلیکس، ڈی ایچ کیو اور سی ایم اسپتال منقل کیا گیا ہے جہاں ڈاکٹروں کا کہنا ہے کہ تمام طلبا فوڈ پوائزننگ کا شکار ہوئے ہیں جنہیں طبی امداد فراہم کی جارہی ہے۔