ہندوستان اور پاکستان کا لائن آف کنٹرول پر فائرنگ کا تبادلہ

مہر خبررساں ایجنسی نے ڈان کے حوالے سے نقل کیا ہے کہ ہندوستان کے زیرانتظام کشمیر میں لائن آف کنٹرول پر ہندوستانی اور پاکستانی فوجوں کے درمیان فائرنگ کا تبادلہ ہوا ہے جس میں کسی جانی نقصان کی کوئی اطلاع نہیں ہے۔ اطلاعات کے مطابق لائن آف کنٹرول کے قریب واقع تھوب اور بھمبر سیکٹر پر ہونے والی فائرنگ چھوٹے اور درمیانے ہتھیاروں سے کی گئی۔ دسمبر 2013 میں پاکستان اور ہندوستان نے لائن آف کنٹرول اور ورکنگ باؤنڈری پر سیز فائر معاہدے 2003 کی پاسداری کرنے کے عزم کا اظہار کیا تھا لیکن اس کے باوجود اس قسم کے واقعات نہیں رک سکے۔