ترکمنستان کے صدر 2 روزہ دورے پر پاکستان پہنچ گے

مہر خبررساں ایجنسی نے پاکستانی ذرائع کے حوالے سے نقل کیا ہے کہ ترکمنستان کے صدر قربان علی محمد اوف 2 روزہ دورے پر پاکستان پہنچ گئے ہیں۔ پاکستانی  وزیراعظم نواز شریف نے ترکمنستان کے صدر قربان علی محمد اوف کا نور خان ایئربیس پر پرتپاک استقبال کیا۔ ترکمنستان کے صدر کو 21 توپوں کی سلامی اور گارڈ آف آنر پیش کیا گیا۔ ترکمنستان کے صدر وزیراعظم نواز شریف اور صدر ممنون حسین سے ملاقات کریں گے جس میں دو طرفہ امور سمیت دیگر معاملات پر بھی تبادلہ خیال کیا جائے گا۔