بلوچستان کے علاقے ژوب میں 2 دہشت گرد ہلاک

مہر خبررساں ایجنسی نے ڈان کے حوالے سے نقل کیا ہے کہ پاکستان کے صوبہ بلوچستان کے علاقے ژوب میں سکیورٹی فورسز کے ساتھ مسلح مقابلے میں 2 وہابی دہشت گرد ہلاک ہوگئے ہیں۔ فرنٹیئر کانسٹیبلری (ایف سی) کے ترجمان کے مطابق پیرا ملٹری فورسز اور انٹیلی جنس اہلکاروں نے دہشت گردوں کی موجودگی کی اطلاع پر پاک-افغان سرحدی علاقے میں ایک آپریشن کیا۔ان کا کہنا تھا کہ بھاری ہتھیاروں سے مقابلے کے دوران دو دہشت گرد ہلاک ہوگئے۔ایف سی ترجمان کا کہنا تھا کہ ان کے قبضے سے دو سب مشین گنیں اور دو دستی بم بھی برآمد ہوئے.پاکستانی کے سرکاری خبر رساں ادارے اے پی پی نے ایف سی ترجمان کے حوالے سے بتایا ہے کہ مقابلہ اُس وقت شروع ہوا جب وہابی دہشت گردوں نے سکیورٹی اہلکاروں پر فائرنگ شروع کردی۔