بھارتی ریاست تامل ناڈو میں شدید بارشوں کے باعث ہلاکتوں کی تعداد 269 ہو گئی

مہر خبررساں ایجنسی نے بھارتی ذرائع کے حوالے سے نقل کیا ہے کہ بھارتی ریاست تامل ناڈو میں شدید بارش نے تباہی مچا دی جس کی وجہ سے ہلاکتوں کی تعداد 269  ہوگئی ہے۔ شدید بارشوں کی وجہ سے ریاست کے مختلف علاقوں میں معمولات زندگی معطل ہو کر رہ گئے۔ ہزاروں افراد کو محفوظ مقامات پر منتقل کر دیا گیا ہے جبکہ بارش کا پانی کھڑا رہنے سے لوگ کئی مقامات پر پھنسے ہوئے ہیں۔ بارشوں کے باعث ٹریفک کا نظام بھی درہم ہو گیا ہے۔ شدید بارشوں کے باعث چنائے کا بین الاقوامی ایئر پورٹ مزید کئی دن تک بند رہنے کا امکان ہے، گزشتہ ایک ماہ سے تامل ناڈو میں جاری بارشوں میں اب تک 269افراد ہلاک اور متعدد زخمی ہو چکے ہیں۔