مہر خبررساں ایجنسی نے رشیا ٹو ڈے کے حوالے سے نقل کیا ہے کہ افغانستان کے دارالحکومت کابل کے بین الاقوامی ایئرپورٹ پر خود کش کار بم دھماکے میں 4 افراد ہلاک جبکہ 10 زخمی ہوگئے ہیں۔ کابل پولیس کے نائب چیف سید گل آغا روحانی کے مطابق دھماکہ کابل ایئر پورٹ کی پہلی چیک پوسٹ پر ہوا ہے۔ اے ایف پی کی رپورٹ کے مطابق طالبان نے کابل ایئر پورٹ پر خود کش کار بم دھماکے کی ذمہ داری قبول کرلی ہے۔ یہ بھی یاد رہے کہ گذشتہ دنوں کابل میں فوجی کمپلکس، پولیس اکیڈمی اور امریکی اسپیشل فورسز کے بیس پر ہونے والے حملوں میں کم سے کم 51 افراد ہلاک ہوگئے تھے۔
آپ کا تبصرہ