سیالکوٹ کے علاقہ گجرپورہ میں مکان کی چھت گرنے سے 5 بچوں سمیت 6 افراد جاں بحق

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر سیالکوٹ کے علاقہگجرپورہ میں بارش کے باعث مکان کی چھت گرنے سے 5 بچوں سمیت 6 افراد جاں بحق جبکہ 2 افراد زخمی ہوگئے ہیں۔اطلاعات کے مطابق سیا لکوٹ کے نواحی گاؤں گجر پورہ کا رہائشی ولی محمد نامی شخص اپنے 6 بچوں اور بیوی کے ہمراہ سو رہا تھا کہ شدید بارش کے باعث اس کے مکان کی چھت اچانک گر گئی۔ جس کے نتیجے میں خاندان کے تمام افراد ملبے تلے دب گئے۔ رسکیو ٹیم نے ملبے سے ولی محمد اور اس کی بیٹی کو زندہ نکال لیا جبکہ اس کی بیوی اورباقی بچے دم توڑ گئے۔