عراق میں مختلف بم دھماکوں میں 15 افراد ہلاک

مہر خبررساں ایجنسی نے السومریہ کے حوالے سے نقل کیا ہے کہ عراق کے شہر کرکوک اور بغداد میں بم دھماکوں میں 15 افراد ہلاک ہوگئے ہیں۔عراق کے دارالحکومت بغداد اور کرکوک شہر میں دھماکے ہوئے، کرکوک میں سرکاری عمارتوں کے قریب 2 کار بم دھماکوں کے بعد فائرنگ سے 12 افراد ہلاک اور متعدد زخمی ہوگئے۔ عراقی دارالحکومت بغداد میں موٹر سائیکل سوار نے خود کو دھماکے سے اڑالیا، اس واقعہ میں ایک پولیس اہلکار ہلاک اور 2 زخمی ہوگئے۔