پاکستانی صدر نے آنگ سان سوچي کو شہيد بے نظير بھٹو ايوارڈ عطا کیا

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے صدر آصف علي زرداري نے ميانمار کي جمہوريت پسند اپوزيشن رہنما آنگ سان سوچي کو شہيد بے نظير بھٹو ايوارڈ برائے جمہوريت عطا کيا ہے. نوبل انعام يافتہ آنگ سان سوچي کو شہيد بينظير بھٹو ايوارڈ برائے جمہوريت دينے کي تقريب دارالحکومت ينگون ميں ان کے گھر پر ہوئي. تقريب ميں پاکستان پيپلز پارٹي کے چيئرمين بلاول بھٹو زرداري اور آصفہ بھٹو زرداري بھي موجود تھے. صدر زرداري کي طرف سے آصفہ بھٹو زرداري نے آنگ سان سوچي کو ايوارڈ ديا. صدر زرداري نے جمہوريت کيلئے آنگ سان سوچي کي جدوجہد کو شاندار الفاظ ميں خراج تحسين پيش کيا. انہوں نے کہا کہ آنگ سان سوچي جمہوريت اور انساني حقوق کي ايک عظيم علامت ہيں. اس موقع پر آنگ سان سوچي نے اميد ظاہر کي کہ وہ دن ضرورت آئے گا جب پاکستان اور ميانمار عوام کے حقوق يقيني بنانے کے لئے مل کر کام کريں گے. صدر زرداري اور سوچي کے درميان 45 منٹ تک ملاقات جاري رہي، جس ميں  دونوں رہنماؤں نے دو طرفہ تعلقات ،علاقائي اور عالمي امور پر تبادلہ خيال کيا. واضح رہے کہ پاکستانی صدر زرداری میانمار کے دورے پر ہیں۔