مہر خبررساں ایجنسی کی رپورٹ کے مطابق، صہیونی میڈیا ذرائع نے رپورٹ کیا ہے کہ اسرائیل کے ایک فوجی اڈے پر اچانک بیماری پھیلنے کے باعث ہنگامی صورتحال پیدا ہو گئی ہے، جس کے نتیجے میں تقریباً 30 خواتین فوجی اور کمانڈرز بیماری کا شکار ہوگئے ہیں۔
رپورٹ کے مطابق، گدنع سده بوکر نامی اس فوجی اڈے میں گزشتہ چند روز کے دوران خواتین اہلکاروں میں الٹی، اسہال اور پیٹ میں شدید درد جیسی علامات تیزی سے پھیل رہی ہیں۔
بیماری کے اس اچانک پھیلاؤ کے پیش نظر، فوری طور پر احتیاطی تدابیر کے طور پر اس فوجی اڈے پر جاری تمام تربیتی پروگرام معطل کر دیے گئے ہیں۔ متاثرہ فوجیوں کا اڈے کے اندر ہی طبی معائنہ کیا جا رہا ہے۔
رپورٹ میں یہ بھی بتایا گیا ہے کہ ایک بس کے ذریعے ان خواتین فوجیوں کو، جو بیماری کی علامات دکھا رہی تھیں، فوری طور پر علاج کے لیے مقامی طبی مرکز منتقل کر دیا گیا ہے۔
آپ کا تبصرہ