مہر خبررساں ایجنسی کی رپورٹ کے مطابق، ایران اور جمہوریہ آذربائیجان کی بحری افواج نے بحیرہ کیسپین میں باکو کے ساحل کے قریب بوئوک زیرا جزیرے کے اطراف مشترکہ امدادی اور بچاؤ کی مشقیں انجام دیں۔ یہ چار روزہ مشق "AZIREX 2025" کے عنوان سے منعقد ہوئی، جس میں ایرانی بحریہ، پاسدارانِ انقلاب کی نیول فورس اور آذربائیجانی نیول یونٹس نے حصہ لیا۔
ایرانی بیڑے میں "پائکان" اور "سپار" میزائل بردار جہازوں کے ساتھ سپاہ پاسداران انقلاب کا جنگی جہاز "شہید بصیر" بھی شامل تھا۔
دونوں ملکوں کی سیکورٹی فورسز نے اس مشق کے ذریعے مشترکہ منصوبہ بندی، امدادی کارروائیوں اور بچاؤ کی حکمت عملیوں کو مؤثر بنانے کی کوشش کی۔
دفاعی ذرائع کے مطابق مشترکہ مشق کا مقصد بحری سلامتی کو بہتر بنانا، بحیرہ کیسپین میں مستحکم نیول تعاون کو فروغ دینا، اور ایرانی و آذری افواج کے درمیان آپریشنل ہم آہنگی کو مضبوط کرنا تھا۔
مشق کے دیگر اہداف میں تجارتی جہازوں اور آئل ٹینکرز کی حفاظت، مستقبل کی مشترکہ مشقوں کے لیے باہمی فریم ورک کی تشکیل، اور دونوں ہمسایہ ممالک کے درمیان دوستانہ عسکری تعلقات کو فروغ دینا شامل تھا۔
آپ کا تبصرہ