فلسطینی قیدیوں کی رہائی میں تاخیر، اسرائیلی سیکورٹی حکام کی نتن یاہو کو وارننگ

مہر خبررساں ایجنسی کے مطابق، شاباک کے سربراہ اور فوجی مذاکراتی ٹیم کے اعلی عہدیداروں نے نتن یاہو کو متنبہ کیا ہے کہ اگر فلسطینی قیدیوں کو رہا نہیں کیا گیا تو تل ابیب کو خطرناک نتائج کا سامنا کرنا پڑسکتا ہے۔

صہیونی چینل 13 نے کہا ہے کہ اسرائیلی سیکورٹی حکام کو خدشہ ہے کہ جنگ بندی اور قیدیوں کے تبادلے کے معاہدے پر عملدرآمد نہ ہونے سے فلسطینی مقاومت شدید ردعمل کا اظہار کرسکتی ہے۔

دوسری جانب، عبرانی نیوز ویب سائٹ "واللا" نے اسرائیلی حکام کے حوالے سے بتایا ہے کہ نتن یاہو حماس کے ساتھ کسی ایسے معاہدے پر پہنچنا چاہتے ہیں جس کے تحت زیادہ سے زیادہ اسرائیلی قیدی رہا کیے جائیں اور جنگ بھی جاری رہے۔

سینئر اسرائیلی اہلکار نے "واللا" کو بتایا کہ نتن یاہو حکومت بحران میں پھنس گئی جس سے نکلنے کا راستہ تلاش کیا جارہا ہے۔