مہر خبررساں ایجنسی کے مطابق، صہیونی دفاعی مبصر فائز الدویری نے الجزیرہ کو انٹرویو دیتے ہوئے کہا ہے کہ گذشتہ 20 دنوں کے اندر غزہ میں فلسطینی مجاہدین کے ہاتھوں صہیونی فوج کو شدید نقصان اٹھانا پڑا ہے۔
انہوں نے کہا کہ صہیونی فوجی حکام میڈیا میں غلط بیانی سے کام لیتے ہیں اور فوجی نقصانات کو چھپاتے ہیں۔
صہیونی چینل 12 نے انکشاف کیا تھا کہ غزہ کی جنگ میں اب تک مجموعی طور پر 12 ہزار فوجی زخمی ہوگئے ہیں۔ فائز الدویری نے اس حوالے سے کہا کہ اصل تعداد اس سے کہیں زیادہ ہے۔ اب تک صہیونی فوج کے 16 سے 17 ہزار اہلکار کام آئے ہیں۔
انہوں نے کہا کہ صہیونی فوج نقصانات کے اعداد و شمار میں ان فوجیوں کو شامل نہیں کرتی ہے جو دو ملکی شہریت رکھتے ہیں۔
الدویری نے رفح کی صورتحال کے بارے میں کہا کہ اگرچہ جھڑپوں کی تعداد میں کمی آئی ہے لیکن میزائل اور ڈرون حملوں کا سلسلہ جاری ہے۔ اسرائیلی فوج مصری سرحد کے نزدیک سرنگوں کو تباہ کرنا چاہتی ہے۔
آپ کا تبصرہ