مہر خبررساں ایجنسی نے عالمی ذرائع کے حوالے سے نقل کیا ہے کہ جنوبی کوريا میں تربیتی پرواز کے دوران فضا میں 2 فوجی طیاروں میں تصادم ہوگیا جس کے نتیجے میں 4 پائلٹس ہلاک ہوگئے۔اطلاعات کے مطابق جنوبی کوریا کے مشرقی شہر ساچیون میں واقع " کے ٹی و ن " ایئر بیس کے نزدیک دو فوجی طیارے آپس میں ٹکرا گئے۔ طیارے ہچکولے کھاتے ہوئے زمین بوس ہوگئے اور ان میں آگ بھڑک اُٹھی۔
طیاروں میں لگنے والی آگ اتنی شدید تھی کہ اسے بجھانے کے لیے فائر بریگیڈ کے عملے کے 30 ارکان کو طلب کیا گیا تھا جنھوں نے ایک گھنٹے کی جدوجہد کے بعد آگ پر قابو پالیا۔
طیارے کے ملبے سے 3 لاشیں نکالی گئیں جب کہ ایک پائلٹ لاپتہ تھا جس کی لاش سرچ آپریشن کے دوران قریبی علاقے سے مل گئی۔ ہلاک ہونے والے پائلٹس کی شناخت ظاہر نہیں کی گئی ہے۔
آپ کا تبصرہ