پاکستان کے صوبہ بلوچستان میں گھر بیٹھے تنخواہ لینے والے 114 ملازمین برطرف

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے صوبہ بلوچستان کے محکمہ تعلیم  نےگھر بیٹھے تنخواہ لینے والے 114 غیر حاضر اساتذہ اور دیگر نان ٹیچنگ اسٹاف کو ملازمت سے برطرف کردیا ہے۔ سیکرٹری تعلیم طیب لہڑی کے مطابق برطرف اساتذہ اور ملازمین ڈیوٹیاں نہیں دیتے تھے اور گزشتہ کئی سالوں سے گھر بیٹھے تنخواہیں وصول کررہے تھے۔اس کے علاوہ ان برطرف ملازمین میں بہت سے غیرقانونی اقدامات میں بھی ملوث پائے گئے، جن  کے خلاف دیگر سزاؤں کے لیے بھی کارروائی عمل میں لائی جائے گی۔ نوٹیفکیشن کے مطابق برطرف کیے گئے ملازمین کا تعلق ضلع کیچ سے ہے۔