مشترکہ ایٹمی معاہدے میں تیل اور بینک کے شعبوں میں تعاون ایران کے بنیادی اقتصادی حقوق میں شامل

اسلامی جمہوریہ ایران کے صدر حسن روحانی نے فرانس کے صدر میکرون کے ساتھ ٹیلیفون پر گفتگو میں یادآوری کرتے ہوئے کہا ہے کہ مشترکہ ایٹمی معاہدے میں تیل اور بینک کے شعبوں میں تعاون ایران کے بنیادی اقتصادی حقوق میں شامل ہے۔

مہر خبررساں ایجنسی کی رپورٹ کے مطابق اسلامی جمہوریہ ایران کے صدر حسن روحانی نے فرانس کے صدر میکرون کے ساتھ ٹیلیفون پر گفتگو میں یادآوری کرتے ہوئے کہا ہے کہ مشترکہ ایٹمی معاہدے میں تیل اور بینک کے شعبوں میں تعاون ایران کے بنیادی اقتصادی حقوق میں شامل ہے۔ صدر روحانی نے کہا کہ ایک طرف ایران اور فرانس خطے میں پائدار امن کے قیام کے سلسلے میں تلاش و کوشش کررہے ہیں اور دوسری طرف امریکہ خطے میں کشیدگی کو بڑھانے کے لئے اشتعال انگیز اقدامات انجام دے رہا ہے۔ صدر روحانی نے کہا کہ خلیج فارس اور آبنائے ہرمز سے آزادانہ طور پر روزانہ  درجنوں کشتیاں رفت و آمد میں مشغول ہیں ،اوران کی سکیورٹی کے سلسلے میں ایرانی فورسز قوانین کے مطابق ان پرنظارت اور نگرانی کا عمل جاری رکھے ہوئے ہیں۔ صدر روحانی نے اس گفتگو میں یورپی ممالک کے ساتھ مذاکرات کو جاری رکھنے اور باہمی تعاون کو فروغ دینے پر تاکید کی۔ اس گفتگو میں فرانس کے صدر نے ماہرین کی ٹیم تشکیل دینے اور مختلف شعبوں میں دونوں ممالک کے درمیان تعاون کو فروغ دینے کی تجویز کا خیر مقدم کرتے ہوئے کہا کہ فرانس مشترکہ ایٹمی معاہدے کو برقرار رکھنے کی تلاش و کوشش جاری رکھےگا۔

News Code 1892752

لیبلز

آپ کا تبصرہ

You are replying to: .
  • 4 + 4 =