شام کے صوبہ سویدا میں داعش کے خودکش حملوں میں 100 افراد ہلاک

مہر خبررساں ایجنسی نے روسیا الیوم کے حوالے سے نقل کیا ہے کہ شام کے صوبہ سویدا میں وہابی دہشت گرد تنظیم داعش کے خودکش حملوں میں 100 افراد ہلاک اور درجنوں زخمی ہوگئے ہیں۔ اطلاعات کے مطابق داعش کے وحشیانہ حملوں میں 176 افراد زخمی بھی ہوئے ہیں جبکہ بعض زخمیوں کی حالت تشویش ناک ہے۔ اس سے قبل کہا گيا تھا کہ داعش کے محلوں میں 50 افراد ہلاک اور 78 زخمی ہوئے ہیں۔ داعش دہشت گردوں نے عام شہریوں کو اپنی بربریت کا نشانہ بنایا۔ حملوں کی ذمہ داری داعش نے اپنے تحریری بیان میں قبول کرلی ہے۔داعش کو امریکہ، اسرائيل اور سعودی عرب کی حمایت حاصل ہے۔