باجوڑ ایجنسی میں 2 وہابی دہشت گرد ہلاک

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستانی سکیورٹی فورسز نے باجوڑ ایجنسی کی تحصیل ماموند میں وہابی  دہشت گردی کا منصوبہ ناکام بناتے ہوئے 2خودکش بمباروں کو ہلاک کرکے اسلحہ برآمد کرلیا۔ اطلاعات کے مطابق سکیورٹی فورسز نے خفیہ اطلاع پر تحصیل ماموند کے علاقے گٹکی میں کارروائی کی، اس دوران ایک خودکش بمبار نے لیویز فورسز پر فائرنگ شروع کر دی۔ فورسز کی جوابی کارروائی میں ایک خودکش بمبار ہلاک ہوگیا جبکہ دوسرے خودکش بمبار نے خود کو دھماکے سے اڑا دیا، خودکش بمباروں کے قبضہ سے خود کش جیکٹ، دستی بم، پستول، افغان سم سمیت دیگر اسلحہ بھی برآمد ہوا ہے۔