وائٹ ہاؤس کے لان پر ایک ایریل ڈرون گرنے سے حکام پر تشویش طاری

مہر خبررساں ایجنسی نے ذرائع کے حوالے سے نقل کیا ہے کہ امریکی وائٹ ہاؤس کے لان پر ایک ایریل ڈرون گرنے سے کھلبلی مچ گئیوائٹ ہاؤس کی سکیورٹی میں خامیاں گزشتہ کئی دنوں سے سامنے آرہی ہیں۔ وائٹ ہاؤس کی پریس سیکریٹری کے مطابق وائٹ ہاؤس کے لان پر ایک ایریل ڈرون آکر گرا تاہم اس کے گرنے سے خطرے کی کوئی بات نہیں، بظاہر یہ ایک کھلونا ڈرون ہے جب کہ مزید تحقیق کی جارہی ہے۔ ادھروائٹ ہاؤس کی نگرانی کرنے والی امریکی سیکریٹ سروس کے حکام کا کہنا ہے کہ واقعے کی تحقیقات کی جارہی ہیں تاکہ اگر یہ کوئی کھلونا ڈرون بھی ہے تو وائٹ ہاؤس میں کیسے آگرا۔

حکام کے مطابق امریکی صدر باراک اوبامہ اور ان کی اہلیہ بھارت کے دورے پر ہیں جب کہ واقعہ کے وقت ان کی بیٹیاں مالیا اور ساشا بھی وائٹ ہاؤس میں نہیں تھیں بلکہ وہ واشنگٹن میں ہیں ۔