مشكوك طيارے كي آمد پر وائٹ ہاؤس ميں كھلبلي

مہرخبررساں ايجنسي نے ذرائع كے حوالے سے نقل كيا ہے كہ امريكي دارالحكومت واشنگٹن ميں ممنوعہ حدود ميں مشكوك طيارے كي آمد پر وائٹ ہاؤس ميں زبردست كھلبلي مچ گئي وائٹ ہاؤس اوركانگريس كي عمارتوں كوخالي كراليا گيا سپريم كورٹ ، محكمہ خزانہ اور ديگر سركاري عمارتوں سے بھي عملہ كومحفوظ مقام پر منتقل كردياگيا، امريكي ايوان نمائندگان ميں سيكورٹي الرٹ كے بعدسخت افراتفري مچ گئي، اراكين كو فوجي گاڑيوں ميں محفوظ مقام پر لے جاياگيا اطلاعات كے مطابق واشنگٹن كے نو فلائي زون ميں ايك چھوٹے طيارے كے داخلے كے باعث وائٹ ہاؤس اور كيپٹل ہل كي عمارت خالي كرائي گئي ہے اورسيكورٹي كو الرٹ كر ديا گيا جبكہ شہر كي ديگر حكومتي عمارتيں بھي خالي كرائي گئيں اور وائٹ ہاؤس پر جنگي طيارے پرواز كرتے رہے ?بعدازاں طيارے كو چھوٹے ائرپورٹ پر اتارلياگيااور امريكا كي سيكرٹريٹ سروس نے سيكورٹي كو تمام خطرات سے محفوظ قرار دے ديا ہے واضح رہے كہ اس دوران صدر بش وائٹ ہاؤس ميں موجود نہيں تھے