مہر خبررساں ایجنسی کی رپورٹ کے مطابق، غزہ کے دفترِ اطلاعات نے انکشاف کیا ہے کہ اسرائیلی فورسز نے جنگ بندی کے اعلان کے بعد اب تک 80 بار معاہدے کی خلاف ورزی کی ہے، جن کے نتیجے میں کم از کم 97 فلسطینی شہید اور 230 زخمی ہوئے ہیں۔
دفترِ اطلاعات کے مطابق، قابض اسرائیلی افواج کی یہ خلاف ورزیاں براہِ راست شہریوں پر فائرنگ، بمباری، دانستہ نشانہ بنانے اور متعدد شہریوں کی گرفتاری جیسے سنگین اقدامات پر مشتمل ہیں، جو انسانی حقوق اور جنگ بندی معاہدے کی واضح خلاف ورزی ہیں۔
بیان میں کہا گیا کہ یہ حملے غزہ کے تمام علاقوں میں ریکارڈ کیے گئے ہیں، جو اس بات کا ثبوت ہیں کہ اسرائیلی افواج نے اپنی جارحانہ پالیسی ترک نہیں کی۔
دفترِ اطلاعاتِ حکومتِ غزہ نے اقوام متحدہ اور معاہدے کے ضمانتی فریقوں سے مطالبہ کیا کہ وہ فوری طور پر مداخلت کریں اور اسرائیل کو جنگ بندی کی پاسداری پر مجبور کریں۔
آپ کا تبصرہ