مہر خبررساں ایجنسی کی رپورٹ کے مطابق، غزہ پر مکمل قبضے کا منصوبہ انکشاف ہونے کے بعد اسرائیل کے اندر بھی نتن یاہو کے خلاف مظاہرے شروع ہوگئے ہیں۔ مظاہرین نے تل ابیب کی ایک مرکزی شاہراہ بند کر کے زور دار نعرے لگائے اور نتانیاہو کے خلاف اپنے غصے کا اظہار کیا۔ مظاہرین کا کہنا تھا: "ہم تمہیں یہ اجازت نہیں دیں گے کہ اپنے پاگل پن سے بھرے وہموں کی بنیاد پر غزہ پر قبضہ کر کے مزید اسرائیلی فوجیوں اور قیدیوں کا خون بہاؤ!"
یہ احتجاج ایسے وقت میں ہوا ہے جب نتن یاہو نے 4 اگست کو ایک بیان میں اعلان کیا تھا کہ وہ غزہ کے پورے علاقے پر، بشمول ان مقامات کے جہاں اسرائیلی یرغمالیوں کو رکھا گیا ہے، مکمل قبضے کا ارادہ رکھتے ہیں۔
اس اعلان سے قبل بھی دنیا کے مختلف ممالک میں نتن یاہو کی جارحانہ پالیسیوں اور غزہ میں فلسطینی عوام کے قتل عام کے خلاف مسلسل مظاہرے ہورہے تھے۔
فلسطین کی وزارت صحت کے مطابق، 7 اکتوبر 2023ء سے لے کر اب تک صہیونی فوج کے غزہ پر حملوں میں 61 ہزار 20 فلسطینی شہید ہوچکے ہیں، جب کہ زخمیوں کی مجموعی تعداد 150 ہزار 671 ہوچکی ہے۔
آپ کا تبصرہ