2 اپریل، 2025، 4:21 PM

ایران مسلمان اور ہمسایہ ممالک کے ساتھ مضبوط تعلقات کا خواہاں ہے، صدر پزشکیان

ایران مسلمان اور ہمسایہ ممالک کے ساتھ مضبوط تعلقات کا خواہاں ہے، صدر پزشکیان

ایرانی صدر نے متحدہ عرب امارات کے سربراہ کے ساتھ ایک ٹیلی فونک بات چیت کے دوران ہمسایہ اور اسلامی ممالک کے ساتھ تعلقات کے فروغ پر زور دیا۔

مہر خبررساں ایجنسی کی رپورٹ کے مطابق، ایرانی صدر مسعود پزشکیان نے متحدہ عرب امارات کے حاکم "شیخ محمد بن زید النہیان" کے ساتھ ٹیلی فونک بات چیت کے دوران انہیں عیدالفطر کی مناسبت سے مبارکباد دی۔

 انہوں نے امید ظاہر کی کہ امت مسلمہ عیدالفطر کی برکت سے اتحاد اور یکجہتی کی طرف بڑھے گی۔ 

پزشکیان نے پڑوسی اور اسلامی ممالک کے ساتھ تعلقات کو مضبوط بنانے کے تہران کے عزم کا اعادہ کیا۔

انہوں نے عرب امارات کے سربراہ سے کہا: ہم آپ کے ایران کے دورے کے منتظر ہیں جس میں دوطرفہ تعاون کو وسعت دینے کے طریقوں پر بات چیت ہوگی۔

اس موقع پر متحدہ عرب امارات کے سربراہ نے ایرانی صدر اور عوام کو عیدالفطر کی مبارکباد پیش کرتے ہوئے کہا کہ مجھے امید ہے کہ عید الفطر کی برکت سے ہمارا دوست اور برادر ملک ایران امن، صحت اور ترقی کی راہ میں آگے بڑھے گا۔ 

شیخ محمد بن زید آل نہیان نے ایران کی ہمسایہ پالیسی کو سراہتے ہوئے کہا کہ میں ایران کا دورہ کرنے میں  دلچسپی رکھتا ہوں جہاں ہم دونوں ممالک کے درمیان تعلقات کے فروغ اور دونوں قوموں کے روشن مستقبل کے لئے مشترکہ تعاون پر بات چیت کریں گے۔

News ID 1931567

لیبلز

آپ کا تبصرہ

You are replying to: .
  • captcha