مہر خبررساں ایجنسی کے مطابق، صہیونی فوج نے تصدیق کی ہے کہ ایک فلسطینی نوجوان نے مغربی کنارے کے شہر نابلس کی حوارہ ملٹری کراسنگ پر متعدد قابض فوجیوں کو نشانہ بنایا۔
فلسطینی ذرائع نے بتایا کہ قابض فوجیوں کے خلاف جوابی کاروائی کرنے والے 28 سالہ "عیسیٰ ریاض جبالی" گولی لگنے سے موقع پر ہی شہید ہوگئے۔
دوسری طرف حماس نے مذکورہ آپریشن کو فلسطینی عوام کے خلاف صیہونی حکومت کے جرائم کے جواب میں ایک شجاعانہ اقدام قرار دیا۔
فلسطینی تحریک نے عوام اور مزاحمت پر زور دیا کہ وہ سرزمین کے کسی بھی حصے میں قابضوں کے خلاف اپنی کاروائیوں میں تیزی لائیں اور صیہونی دشمن کے مذموم سازشوں کو ناکام بنائیں۔
آپ کا تبصرہ