مہر نیوز رپورٹر کے مطابق، عراقی وزیراعظم محمد شیاع السودانی نے تہران میں صدر پزشکیان سے ملاقات کی۔
انہوں نے مشترکہ پریس کانفرنس کے دوران کہا کہ بغداد اور تہران کا خطے کی موجودہ صورت حال کے حوالے سے موقف واضح ہے اور ہم اس وقت غزہ میں صیہونی رجیم کے ہاتھوں فلسطینیوں کی نسل کشی مذمت کرتے ہیں۔
السودانی نے زور دے کر کہا کہ ہم ہم عالمی برادری کی آنکھوں کے سامنے غزہ میں صیہونی رجیم کے ہاتھوں نہتے شہریوں کے قتل عام کا مشاہدہ کرتے ہیں جب کہ عالمی اداروں نے خاموشی اختیار کر رکھی ہے۔
انہوں نے واضح کیا کہ بین الاقوامی برادری غزہ میں جاری جرائم کی روک تھام کے سلسلے میں مکمل طور پر ناکام قرار دیا اور کہا: بین الاقوامی برادری غزہ میں ہونے والے جرائم کو روکنے میں مکمل طور پر ناکام رہی ہے۔
عراقی وزیر اعظم نے کہا کہ شام میں غیر ملکی مداخلت شامی قوم کے مفادات کے لیے نقصان دہ ہے، جسے روک دینا چاہئے۔
انہوں نے کہا کہ شام میں دہشت گردوں کا پھر سے فعال ہونا خطے کے استحکام کے لئے خطرہ ہے اور علاقائی سالمیت کے تحفظ کے لئے اس ملک میں جاری بیرونی مداخلت کی تھام ضروری ہے۔
عراقی وزیر اعظم نے اپنے دورہ تہران کو انتہائی کامیاب قرار دیتے ہوئے دوطرفہ جامع تعاون کے معاہدوں کے مکمل نفاذ پر زور دیا۔
آپ کا تبصرہ