صیہونیوں کو ایران کا جواب سخت اور تباہ کن ہوگا، محمدی گلپائیگانی

مہر خبر رساں ایجنسی کی رپورٹ کے مطابق، رہبر معظم انقلاب کے دفتر کے سربراہ حجت الاسلام محمدی گلپائیگانی نے شہید سید ہاشم صفی الدین کے لئے منعقدہ یادگاری تقریب میں شرکت کے موقع پر کہا کہ صیہونی حکومت کا ایران کے بعض حصوں پر حالیہ حملہ دشمن کے لئے ایک مایوس کن اقدام تھا اور اسلامی جمہوریہ ایران اس جارحانہ اقدام کا سخت اور تباہ کن جواب دے گا۔

انہوں نے کہا کہ اسلامی جمہوریہ ایران کی سرزمین میں صیہونی طیاروں کے داخلے کو روکنے کے سلسلے میں ملک کے فضائی دفاعی سسٹم کی کارکردگی نہایت شاندار اور طاقتور تھی جب کہ اس حملے میں ہونے والا نقصان معمولی تھا۔