بھارت میں گرمی کی شدت سے ہلاکتوں کی تعداد 160 تک پہنچ گئی

مہر خبررساں ایجنسی نے بھارتی میڈیا کے حوالے سے نقل کیا ہے کہ بھارت کی شمالی ریاستوں میں گرمی کی شدت سے ہلاکتوں کی تعداد 160ہو گئی ہے، راجستھان کے شہر چورو میں درجہ حرارت 50سے بھی تجاوزکر گیا۔ اطلاعات  مطابق شمالی ریاستیں، اتر پردیش، ہریانہ، باندہ اور راجستھان ان دنوں شدید گرمی کی لپیٹ میں ہیں، شہر چورو میں درجہ حرارت 50ڈگری سے تجاوز کرچکا ہے۔ دہلی میں درجہ حرارت 46سے زیادہ ہے، لو اور گرمی سے ہلاکتوں کی تعداد 160 تک پہنچ گئی ہے۔ محکمہ موسمیات نے دارالحکومت دہلی، پنجاب، ہریانہ اور چندی گڑھ کے لیے ریڈ الرٹ جاری کرتے ہوئےآئندہ تین روز میں مزید گرم ہواؤں کی پیش گوئی کی ہے۔