مہر خبررساں ایجنسی نے ایکسپریس کے حوالے سے نقل کیا ہے کہ پاکستان نے روایتی و ایٹمی ہتھیار لے جانے کی صلاحیت رکھنے والا غوری بیلسٹک میزائل کا کامیاب تجربہ کیا ہے۔ پاکستانی فوج کے شعبہ تعلقات عامہ (آئی ایس پی آر) کے مطابق پاکستان نے غوری میزائل کا کامیاب تجربہ کیا ہے، میزائل تجربہ آرمی اسٹریٹجک فورسز کمانڈ نے کیا، جس کا مقصد آرمی اسٹریٹجک فورسز کمانڈ کی آپریشنل اور تکنیکی تیاریوں کو جانچنا تھا۔ آئی ایس پی آر کے مطابق غوری بیلسٹک میزائل 1300 کلومیٹر تک نشانے کو ہدف بنا سکتا ہے اور روایتی و ایٹمی ہتھیار لے جانے کی صلاحیت رکھتا ہے۔
پاکستان نے روایتی و ایٹمی ہتھیار لے جانے کی صلاحیت رکھنے والا غوری بیلسٹک میزائل کا کامیاب تجربہ کیا ہے۔
News ID 1884629
آپ کا تبصرہ