پاکستان کی پہلی خاتون چیف جسٹس نے حلف اٹھالیا

پاکستان کی تاریخ کی پہلی خاتون چیف جسٹس سیدہ طاہرہ صفدر نے حلف اٹھالیا۔ گورنر بلوچستان محمد خان اچکزئی نےچیف جسٹس طاہرہ صفدر سے حلف لیا۔

مہر خبررساں ایجنسی نے جنگ کے حوالے سے نقل کیا ہے کہ پاکستان کی تاریخ کی پہلی خاتون چیف جسٹس سیدہ طاہرہ صفدر نے حلف اٹھالیا۔ گورنر بلوچستان محمد خان اچکزئی نےچیف جسٹس طاہرہ صفدر سے حلف لیا۔ نئی چیف جسٹس کی تقریب حلف برداری گورنر ہائوس میں منعقد ہوئی،گورنر بلوچستان محمد خان اچکزئی نےچیف جسٹس طاہرہ صفدر سے حلف لیا۔حلف اٹھانے کے بعد جسٹس سیدہ طاہر صفدرنے ملکی تاریخ کی پہلی خاتون چیف جسٹس کا اعزاز حاصل کرلیا ہے،وہ 7 ستمبر 2009 کو بلوچستان ہائی کورٹ کی جج بنی تھیں،جسٹس طاہرہ صفدر نہ صرف بلوچستان بلکہ پاکستان کی تاریخ میں کسی بھی ہائی کورٹ کی پہلی خاتون چیف جسٹس بن گئی ہیں۔

جسٹس سیدہ طاہرہ صفدر 5 اکتوبر 1957 کو کوئٹہ میں پیدا ہوئیں ابتدائی تعلیم کوئٹہ سے حاصل کی، بلوچستان یونیورسٹی اردو لٹریچر میں ماسٹرز کیا اور 1980 میں لاء کالج کوئٹہ سے قانون کی ڈگری حاصل کی 22 اپریل 1982 میں وہ پہلی خاتون سول جج کے عہدے پر فائز ہوئیں ۔

29 جون 1987 میں سینئر سول جج 27 فروری 1991 میں ایڈیشنل ڈسٹرکٹ اینڈ سیشن جج اور یکم مارچ 1996 میں ڈسٹرکٹ اینڈ سیشن جج کے عہدوں پر فائز رہیں وہ لیبر کورٹ اور بلوچستان سروس ٹریبونل میں بھی خدمات انجام دے چکی ہیں ۔ جسٹس سیدہ طاہرہ صفدر 7 ستمبر 2009 کو بلوچستان ہائی کورٹ کی پہلی خاتون جج بنیں ،وہ سابق صدر پرویز مشرف کے خلاف سنگین غداری کیس کے حوالےسےتین رکنی خصوصی بینچ کی بھی ممبر تھیں۔

News Code 1883566

لیبلز

آپ کا تبصرہ

You are replying to: .
  • 4 + 1 =