اردن کے شاہ عبداللہ پاکستان پہنچ گئے

مہر خبررساں ایجنسی نےایکسپریس کے حوالے سے نقل کیا ہے کہ اردن کے بادشاہ شاہ عبداللہ دو روزہ دورے پر پاکستان پہنچ گئے ہیں۔ اطلاعات کے مطابق اردن کے شاہ عبداللہ صدر پاکستان ممنون حسین کی دعوت پر دو روزہ دورے پر نورخان ایئربیس پہنچے جہاں صدرممنون حسین نے ان کا استقبال کیا اور اردن کے شاہ کو گارڈ آف آرنر بھی پیش کیا گیا۔ اردن کے شاہ عبداللہ صدرممنون حسین اور وزیراعظم شاہدخاقان عباسی سے ملاقات بھی کریں گے جس میں دوطرفہ اورباہمی دلچسپی کے علاقائی اور عالمی امور پر تبادلہ خیال کیاجائے گا۔