ہندوستان کا پاکستان میں اپنے ہائی کمشنرکو چین میں تعینات کرنے کا فیصلہ

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی حکومت نے پاکستان میں اپنے ہائی کمشنر گوتم بمبانوالا کو چین میں ہائی کمشنر تعینات کرنے کافیصلہ کیا ہے جبکہ اجے بساریہ کو پاکستان میں نیاہائی کمشنر مقرر کیا ہے۔ ذرائع کے مطابق پولینڈ میں تعینات ہندوستانی سفیر اجے بساریہ پاکستان میں اپنی ذمہ داریاں اکتوبر میں سنبھالیں گے۔ انہوں نے پبلک پالیسی میں ماسٹرز کی ڈگری حاصل کی ہے۔اطلاعات کے مطابق چین میں ہندوستانی ہائی کمشنر وجے گوکھلے کو سکریٹری اکنامک افیئرز ساﺅتھ بلاک مقرر کیا جارہا ہے۔