شامی فوج کا دیر الزور کے 2 علاقوں پر قبضہ/ 130 داعشی ہلاک

مہر خبررساں ایجنسی نے سانا کے حوالے سے نقل کیا ہے کہ شام کی فورسز نے دیر الزور میں 2 علاقوں کو وہابی دہشت گرد تنظیم داعش کے ناپاک وجود سے پاک کردیا ہے اس کارروائی میں 130 داعش دہشت گرد ہلاک ہوگئے ہیں۔ اطلاعات کے مطابق اس کارروائی میں دہشت گردوں کی پانچ دھماکہ خیز مواد سے بھری ہوئی گاڑیاں تباہ کردی گئیں جبکہ دہشت گردوں کی حامل 11 گاڑیوں کو بھی تباہ کردیا گیا ہے۔ ذرائع کے مطابق شامی فوج کی اس علاقہ میں پیشقدمی جاری ہے۔