تائیوان میں بس حادثے میں 32 افراد ہلاک

مہر خبررساں ایجنسی رائٹرز کے حوالے سے نقل کیا ہے کہ تائیوان کے دارالحکومت تائی پے میں مقامی سیاحوں کی بس حادثے کا شکار ہوگئی جس کے نتیجے میں 32 افراد ہلاک اور 13 زخمی ہوگئے ہیں۔ اطلاعات کے مطابق حادثے کا شکار ہونے والی بس سیاحوں کو واپس لے کر آرہی تھی کہ تائی پے کی قریب الٹ گئی۔ بس میں 45 افراد سوار تھے جن میں سے 32 افراد موقع پر ہی دم توڑ گئے۔ زخمیوں اور لاشوں کو قریبی اسپتال منتقل کردیا گیا ہے جب کہ حادثے کی تحقیقات شروع کردی گئی ہیں ۔