سعودی عرب کے بادشاہ کی ڈونلڈ ٹرمپ کو مبارکباد

مہر خبررساں ایجنسی نے العربیہ کے حوالے سے نقل کیا ہے کہ سعودی عرب کے مغرب نواز بادشاہ  سلمان بن عبدالعزیز آل سعود نے بدھ کے روز ایک خصوصی پیغام میں ڈونلڈ ٹرمپ کو امریکہ کا صدر منتخب ہونے پر مبارک باد پیش کی ہے۔اطلاعات کے مطابق اپنے پیغام میں شاہ سلمان نے سعودی حکومت اور عوام کی جانب سے ڈونلڈ ٹرمپ اور امریکی عوام کے لیے ترقی و کامرانی کی تمناؤں کے علاوہ مشرق وسطی اور پوری دنیا میں قیام امن کے لیے نئے صدر کے بھرپور کردار کے حوالے سے تعاون کی یقین دہانی کرائی ہے۔شاہ سلمان نے دونوں دوست ممالک کے درمیان تاریخی اور قریبی تعلقات کو سراہتے ہوئے کہا کہ اس بات کی توقع ہے کہ یہ تعلقات تمام شعبوں میں مضبوط اور بہتر ہوں گے۔ واضح رہے کہ سعودی عرب مسلم ممالک میں عدم استحکام پیدا کرنے کے سلسلے میں امریکہ کا بھر پور تعاون کررہا ہے سعودی عرب نے اپنے وحشیانہ اقدامات کے ذریعہ اسرائیل کو آسودہ خاطر بنا دیا ہے۔